अजित पवारांविरोधात हर्षवर्धन पाटलांना बळ देऊनही इंदापुरात सुप्रिया सुळेंचा फ्लेक्स हटवला, विरोधात घोषणाबाजीही केली

पुणे : मराठा आरक्षणाच्या प्रश्नावरून (Maratha Reservation) मराठा समाज आता चांगलाच आक्रमक झाल्याचं दिसतंय. मराठवाड्यात त्याची तीव्रता जास्त असली तरी आता त्याचा परिणाम बारामती लोकसभा मतदारसंघातली दिसून येतोय. मराठा समाजाच्या आंदोलनाचा फटका आता खुद्द खासदार सुप्रिया सुळे (Supriya Sule) यांना बसला. इंदापुरातील कांदलगाव (Indapur Kandalgaon) या ठिकाणी त्यांचे लावण्यात आलेले पोस्टर्स आंदोलकांनी हटवले. जोपर्यंत सगेसोयऱ्याच्या मुद्द्याची अंमलबजावणी होत नाही तोपर्यंत राजकीय नेत्यांना गावात फिरू देणार नसल्याची भूमिका आंदोलकांनी घेतली आहे. 

मराठा आरक्षणाचे पडसाद आगामी लोकसभेच्या रणधुमाळीत (Baramati Lok Sabha Election) देखील पाहायला मिळत आहेत. मराठा आरक्षणवरून मराठा समाज आक्रमक झाला आहे. इंदापूर तालुक्यातील कांदलगाव येथे सुप्रिया सुळे यांचा लोकसभेच्या प्रचारार्थ लावण्यात आलेले फ्लेक्स घोषणाबाजी करत हटवण्यात आले. जोपर्यंत आरक्षण आणि सगेसोयरे अधिसूचनेची अंमलबजावणी नाही तोपर्यंत राजकीय नेते मंडळींना गावात फिरू अथवा फ्लेक्स लावू देणार नसल्याची भूमिका आंदोलकांनी घेतली आहे.

अधिक पाहा..