[ad_1]
<p style="text-align: justify;"><strong>धरमशाला :</strong> टीम इंडियाने धरमशाला कसोटीतून इंग्लंडला जवळपास संपवले आहे. इंग्लंडने पहिल्या डावात 218 धावा केल्या होत्या. दुसऱ्या दिवसाचा खेळ संपेपर्यंत भारताकडे इंग्लंडवर 255 धावांची आघाडी होती. दुसऱ्या दिवशी पहिल्या सत्रात रोहित शर्मा आणि शुभमन गिल यांनी आपापली शतके पूर्ण केली. यानंतर सर्फराज खान आणि नवोदित देवदत्त पडिक्कल यांनी अर्धशतके झळकावली. यशस्वीने पहिल्या दिवशी अर्धशतक केले होते. अखेरच्या सत्रात इंग्लंडने पुनरागमन केले पण तोपर्यंत भारतीय संघाची धावसंख्या 400 च्या पुढे गेली होती. दिवसाचा खेळ संपेपर्यंत टीम इंडियाने 8 गड्यांच्या मोबदल्यात 473 धावा केल्या आहेत. कुलदीप 27 आणि बुमराह 19 धावांसह खेळत आहे.</p>
<h2 style="text-align: justify;">टीम इंडियाच्या नावावर भीम पराक्रम </h2>
<p style="text-align: justify;">या कसोटी टीम इंडियाच्या टाॅप 5 फलंदाजांनी 50हून अधिक धावा केल्या. यामध्ये दोन शतके आणि तीन अर्धशतके नोंदवली गेली. अशी कामगिरी टीम इंडियाकडून गेल्या 15 वर्षात प्रथमच झाली आहे. यशस्वी जैस्वाल, सरफराज खान आणि पर्दापण करणाऱ्या देवदत्त पडिक्कलने अर्धशतकी खेळी केली. </p>
<p style="text-align: justify;">भारत आणि इंग्लंड यांच्यातील पाच सामन्यांच्या कसोटी मालिकेतील शेवटचा सामना धर्मशाला येथील हिमाचल प्रदेश क्रिकेट असोसिएशन स्टेडियमवर खेळला जात आहे. या सामन्याच्या दुसऱ्या दिवशी (8 मार्च) भारतीय फलंदाजांची कामगिरी पाहायला मिळाली. भारताच्या पहिल्या डावात कर्णधार रोहित शर्मा (103) आणि शुभमन गिल (110) यांनी शानदार शतके झळकावली आहेत.</p>
<h2 style="text-align: justify;">या प्रकरणात रोहितने गेलचा पराभव केला</h2>
<p style="text-align: justify;">रोहित शर्माने कसोटी कारकिर्दीतील 12वे शतक झळकावले. शुभमन गिलच्या कसोटी कारकिर्दीतील हे चौथे शतक ठरले. रोहितचे शतक 154 चेंडूत पूर्ण झाले. रोहितपाठोपाठ शुभमन गिलनेही 137 चेंडूत शतक पूर्ण केले. विशेष म्हणजे या दोन्ही खेळाडूंचे सध्याच्या कसोटी मालिकेतील हे दुसरे शतक होते. रोहित 103 धावा करून बेन स्टोक्सच्या गोलंदाजीवर बोल्ड झाला. तर शुभमन गिल वैयक्तिक ११० धावांवर जेम्स अँडरसनचा बळी ठरला. गिलने 150 चेंडूंच्या खेळीत 12 चौकार आणि 5 षटकार मारले. तर रोहितने 162 चेंडूंच्या खेळीत 13 चौकार आणि तीन षटकार ठोकले.</p>
<p style="text-align: justify;">पाहिले तर रोहित शर्माच्या आंतरराष्ट्रीय कारकिर्दीतील हे 48 वे शतक होते. यापैकी रोहितने सलामीवीर म्हणून 43 शतके झळकावली आहेत. आंतरराष्ट्रीय क्रिकेटमध्ये सलामीवीर म्हणून सर्वाधिक शतके झळकावण्याच्या बाबतीत रोहित आता तिसऱ्या क्रमांकावर आला आहे. रोहितने सलामीवीर म्हणून 42 शतके झळकावणाऱ्या वेस्ट इंडिजच्या ख्रिस गेलला मागे टाकले.</p>
<h2 style="text-align: justify;">रोहितनेही द्रविड-गावस्कर-सचिनची बरोबरी केली</h2>
<p style="text-align: justify;">इंग्लंडविरुद्ध सर्वाधिक कसोटी शतके झळकावणाऱ्या भारतीय सलामीवीरांच्या यादीत रोहित संयुक्तपणे पहिला आला आहे. त्याने सुनील गावस्कर यांच्याशी बरोबरी केली आहे. गावस्कर यांनी सलामीवीर म्हणून इंग्लंडविरुद्ध चार कसोटी शतके झळकावली. इतकेच नाही तर सर्वाधिक आंतरराष्ट्रीय शतके ठोकण्याच्या बाबतीत रोहित आता द्रविडच्या बरोबरीने पोहोचला आहे. वयाच्या 30 वर्षानंतर रोहितचे हे 35 वे आंतरराष्ट्रीय शतक होते. सचिनने वयाच्या 30 वर्षांनंतर 35 शतके झळकावली.</p>
<p style="text-align: justify;">वर्ल्ड टेस्ट चॅम्पियनशिप (WTC) मध्ये सर्वाधिक शतके करण्याचा विक्रम रोहितच्या नावावर आहे. त्याने WTC मध्ये 9 शतके झळकावली आहेत. दुसरीकडे, बेन स्टोक्सने या मालिकेतील पहिल्याच चेंडूवर रोहित शर्माची विकेट घेतली. म्हणजेच या मालिकेत त्याने टाकलेल्या पहिल्याच चेंडूवर त्याला विकेट मिळाली.</p>
<h2 style="text-align: justify;">भारतासाठी सर्वाधिक कसोटी शतके (2021 पासून)</h2>
<p style="text-align: justify;">6- रोहित शर्मा<br />4- शुभमन गिल<br />3- रवींद्र जडेजा<br />3- यशस्वी जैस्वाल<br />3- ऋषभ पंत<br />3- केएल राहुल</p>
<h2 style="text-align: justify;">इंग्लंडविरुद्ध सर्वाधिक कसोटी शतके (भारतीय सलामीवीर)</h2>
<p style="text-align: justify;">4 – सुनील गावस्कर<br />4 – रोहित शर्मा<br />3 – विजय मर्चंट<br />3 – मुरली विजय<br />3 – केएल राहुल</p>
<h2 style="text-align: justify;">आंतरराष्ट्रीय क्रिकेटमध्ये सर्वाधिक शतके (ओपनर)</h2>
<p style="text-align: justify;">49- डेव्हिड वॉर्नर<br />45- सचिन तेंडुलकर<br />43- रोहित शर्मा<br />42- ख्रिस गेल<br />41- सनथ जयसूर्या<br />40- मॅथ्यू हेडन</p>
<h2 style="text-align: justify;">आंतरराष्ट्रीय क्रिकेटमध्ये सर्वाधिक शतके (भारतीय फलंदाज)</h2>
<p style="text-align: justify;">100- सचिन तेंडुलकर<br />80- विराट कोहली<br />48- राहुल द्रविड<br />48- रोहित शर्मा<br />38- वीरेंद्र सेहवाग<br />38- सौरव गांगुली</p>
<p style="text-align: justify;"><strong>इतर महत्वाच्या बातम्या </strong></p>
<ul>
<li class="abp-article-title"><strong><a href="https://marathi.abplive.com/sports/lead-of-253-dominated-by-team-india-in-the-driving-seat-rohit-shubman-gill-devdutt-padikkal-sarfaraz-khan-and-kuldeep-yadav-once-again-impresses-with-the-bat-1262925">India vs England, 5th Test : टीम इंडिया भक्कम स्थितीत, रोहित- गिलचा शतकी तडाखा, देवदत्त पडिक्कल पर्दापणात चमकला</a></strong></li>
</ul>
[ad_2]
Source link
India vs England, 5th Test : टीम इंडियाने इंग्रजांना दिवसभर घामटा फोडला, 15 वर्षात प्रथमच भीम पराक्रम नावावर!
