Shilpa Rao Birthday: ‘तौसे नैना’ या गाण्याने बॉलिवूडमध्ये एन्ट्री केली, जाणून घेऊया शिल्पा रावबद्दल!

बॉलिवूड गायिका शिल्पा राव आजकाल प्रत्येक चित्रपट निर्मात्याची आवडती गायिका बनली आहे.

गायिका आज तिचा वाढदिवस साजरा करत आहे. जमशेदपूरमध्ये वाढलेली बॉलिवूड गायिका शिल्पाने अनेक लोकप्रिय गाण्यांना आपला आवाज दिला आहे. वयाच्या 13 व्या वर्षी त्यांनी संगीत कारकिर्दीला सुरुवात केली.

याचा खुलासा खुद्द शिल्पा रावने केला होता. तिने सांगितले होते की, ‘मी 11वीत असताना शाळेच्या मुख्याध्यापकांनी सांगितले की तू मुलगी आहेस, त्यामुळे वाणिज्य विषय घेऊन करिअर कर

मला हे आवडले नाही.मी लगेच शाळा सोडली आणि दुसऱ्या शाळेत प्रवेश घेतला.यानंतर अभ्यासासोबतच संगीताचे धडे घेतले. मुलगी असो की मुलगा, प्रत्येकाने आपल्या आयुष्यात काय करायचे हे स्वतः ठरवले पाहिजे, असे शिल्पाचे मत आहे.

शिल्पाने लहानपणापासूनच गझल गाण्याचे धडे घेतले होते. जमशेदपूरमध्ये राहत असताना, शिल्पाने शालेय जीवनातच एका गायनाच्या गटात प्रशिक्षण सुरू केले.

. सुरुवातीला रॉकची आवड असणाऱ्या शिल्पाची संगीताची गोडीही काळाबरोबर खूप बदलली. गायक हरिहरन 13 वर्षांच्या शिल्पाला मुंबईत घेऊन आला होता. पहिल्या तीन वर्षांत त्यांनी अनेक जिंगल्स गायली.

2007 मध्ये संगीतकार मिथुन यांनी शिल्पाला ‘अनवर’ चित्रपटातील ‘तौसे नैना’ या गाण्यात पहिली संधी दिली.

हे गाणे खूप हिट झाले आणि इंडस्ट्रीतील प्रत्येकजण शिल्पाला ओळखू लागला.

शिल्पाचा आवाज वेगळा होता, त्यामुळे सुरुवातीला तिची गाणी देताना लोक कचरायचे.

खुदा जाने, मलंग, वो अजनबी, मुडी मुडी, ए दिल है मुश्कील, बेशरम रंग यांसारखी गाणी गाऊन आज ती लोकप्रिय गायिका बनली आहे.(photo:shilparao/ig)